8 Март — кызлар, әниләр, әбиләрне хөрмәтләү көне

Рәис Газизов, Колаңгы ашлык кабул итү предприятиесе җитәкчесе:

8 Март — кызлар, әниләр, әбиләрне хөрмәтләү көне. Иң мөһим тормыш кыйммәтләре: гаилә учагының җылысы, балалар көлүе һәм назы нәкъ менә сезнең белән бәйле. Сезнең бәйрәм елның иң матур фасылына туры килә. Бу көн — сезнең йөрәкләрдә һәрвакыт яшәүче сабырлык, кайгыртучанлык, дөньяны матуррак һәм игелеклерәк итә торган елмаюыгызга рәхмәт белдерү өчен менә дигән форсат. Сез безгә ышаныч тудырасыз, яңа җиңүләргә һәм казанышларга рухландырасыз, үзегез дә тормышның барлык өлкәләрендә зур уңышларга ирешәсез.
Сезгә чын күңелдән ныклы сәламәтлек, бәхет, игелек телим!