Ал таңнарың өчен яратам!

Фәнил Баһаветдинов, «Цеолиты Поволжья» Сәүдә йорты" җәмгыятенең генераль директоры: 

Хөрмәтле Кайбыч районы халкы! 30 август — республикабызда яшәүче барлык халыкларның уртак бәйрәме ул. Бүген Татарстан Республикасы күпмилләтле Россия дәүләтендә, иң ышанычлы һәм ныклы таяныч буларак, үзен күрсәтә алган төбәк. Әлеге бәйрәмнең дә кыйбласы бердәм, имин булып, бәрәкәтле, мул тормышта яшәүгә юнәлгән. Татарстан — безнең уртак йортыбыз. Һәр кешенең дә хезмәт куеп ирешкән җимешләре тормышларына матди һәм рухи байлык китерсен. Нинди генә өлкәдә булса да, башкарган хезмәтләрегезнең нәтиҗәсе Кайбыч районы үсешенә ныклы өлеш кертсен! Илебезгә, гаиләләрегезгә тынычлык, тормышыгызда иминлек телим.