Байморзада яңартылган клуб ачылды
Бүгенге көн Байморза авылы халкы күңелендә истәлекле көн буларак сакланып калыр.
Чөнки биредә капиталь ремонттан соң танымаслык булып үзгәргән клуб ачу тантанасы булды.
Анда район башлыгы Альберт Рәхмәтуллин, башкарма комитет җитәкчесенең социаль мәсьәләләр буенча урынбасары Фәния Петухова, мәдәният бүлеге начальнигы Рамилә Әбләзова, Мәлки авыл җирлеге башлыгы Федор Поляков, ремонт эшләрен алып барган “Заман” төзелеш оешмасы җитәкчесе Равил Җәләлиев катнашты.
Альберт Илгизәрович байморзалыларны әлеге тантана белән котлады һәм кыска вакытта, сыйфатлы итеп ремонт эшләрен башкарып чыккан өчен Равил Җәләлиевка Рәхмәт хаты, клуб мөдире Зинаида Зайцевага, бильярд алу өчен, сертификат тапшырды. Яңартылган клубта Мәлки төбәгенең мәдәният йортлары, клуб мөдирләрен, китапханәчеләрен берләштергән “Керәшен йолдызлары” ансамбле концерт куйды. Анда Олы Кайбычтан “Дуслык” дуэты да чыгыш ясады.
Бер түбә астына клуб, китапханә һәм фельдшер-акушерлык пунктын сыйдырган бина авыл халкына озак еллар хезмәт итсен.
Следите за самым важным и интересным в Telegram-каналеТатмедиа
Нет комментариев