“Челтәрле компания” ААҖнең Кайбыч районындагы электр челтәре оешмасы начальнигы Равил Вишняковның бәйрәм котлавы

Сезне һөнәри бәйрәмебез - Энергетиклар көне һәм якынлашып килүче Яңа ел бәйрәме белән кайнар котлыйм. Энергетика системасының җәмгыять, халкыбыз тормышы өчен ни дәрәҗәдә мөһим икәнлеген аңлатып торуның кирәге юк. Кайбыч энергетиклары да көндәлек җаваплы хезмәтләре, тырышлык­лары белән кешеләргә җылылык, якты нур бүләк итә, энергетика тармагының данын күтәрүгә һәм иң яхшы традицияләрен ныгытуга мөмкинлек бирә. Энергетика комплексы хезмәткәрләрен ышанычлылык, торак пунк­т­ларны, халыкны җылылык һәм яктылык белән тәэмин итү өчен теләсә нинди шартларда да эшләргә әзер булу сыйфатлары аерып тора. Бәйрәмебез белән котлап, сезнең барыгызга да ныклы сәламәтлек, хезмәт уңышлары, бәхет, гаиләләрегезгә иминлек телим.