Чүти мәктәбендә Әлифба бәйрәме узды. Фотолар, видео
Чүти урта мәктәбендә, аның филиалы Олы Тәрбит башлангыч мәктәбендә 1 класс укучыларының зур бәйрәмнәре – Әлифба белән саубуллашу кичәсе узды.
Кечкенә дусларыбыз беренче укытучылары Гөлфия Пиркина һәм Лилия Насыйрова җитәкчелегендә бәйрәмгә зур әзерлек белән килгән.
Укучылар ярты ел эчендә матур итеп укырга, язарга, кушарга, алырга, сәнгатьле итеп шигырь сөйләргә өйрәнгәннәр. Балалар белем дөньясына алып кергән тәүге дәреслекләренә рәхмәт әйтеп җырладылар, биеделэр. Бәйрәмгә килгән әниләр укытучы апаларына рәхмәтләрен житкерде. Мәктәп директоры Лариса Бухарова, балаларны котлап, беренче дипломнарын, истәлекле бүләкләр тапшырды. Әлифба бәйрәме күңелләрдә матур хатирәләр калдырды.
Следите за самым важным и интересным в Telegram-каналеТатмедиа
Нет комментариев