“Ел хатын-кызы. Ел ир-аты: хатын-кыз күзлегеннән” бәйгесе кайбычлыларга җиңү китерде

Әлеге бәйгедә Кайбычның хезмәт алдынгылары, абруйлы ханымнары елның- елына уңышлы чыгыш ясый. Быел "Минем һөнәрем -минем язмышым" номинациясендә Багай фермасында ясалма орлыкландыру технологы булып эшләүче Татарстанның атказанган терлекчесе Людмила Радионова җиңү яулады. "Ел ир-аты: хатын-кыз күзлегеннән" бәйгесендә Федоровское мәктәбе директоры Михаил Серяковка тиңнәр булмады. Аларның икесе дә бәйгенең республика турына узды. Иске Чәчкаб мәктәбе укытучысы Люция Габидуллина "Хатын-кыз -мәдәният һәм рухият", Кече Мәме мәктәбе укытучысы, Малалла авылында ятим балаларны үз тәрбиясенә алган Елена Федотова "Хатын-кыз- Ана", Ульянково авыл җирлегенең ветераннар Советы рәисе Нина Стерякова "Өченче буын героинясы" номинация­ләрендә катнашты.