Финанслар — дәүләтнең нигезен тәшкил итә, шуңа күрә финанс хезмәткәрләренә ихтыяҗ зур

Район башлыгы Альберт Рәхмәтуллин финанс өлкәсендә эшләүче барлык хезмәткәрләрне, тармак ветераннарын һөнәри бәйрәмнәре белән котлады. 

Финанслар — дәүләтнең нигезен тәшкил итә, шуңа күрә финанс хезмәткәрләренә ихтыяҗ зур. Районның уңышлы үсеше, аның социаль иминлеге турыдан-туры финанс системасына, бюджет һәм салымнар сәясәтенә бәйле. Финанс эше тирән белем, бюджет һәм салым законнары нечкәлекләрен белү, даими һөнәри үсеш һәм яңа мәгълүматны үзләштерү таләп итә. Сезнең намуслы хезмәтегез киләчәктә дә район үсешенә һәм халыкның тормыш-көнкүрешен яхшыртуга ярдәм итәр, дигән ышаныч белдерәм.
Финанс тармагының барлык хезмәткәрләренә һәм ветераннарына ныклы сәламәтлек, нәтиҗәле эш телим.