Гаиләдә ничә бала булырга тиеш? “Кайбыч таңнары” фикерләрегезне көтә

Гаиләләрнең күбесе ике бала белән чикләнә, хәзерге заманда бер бала да бик җиткән дип уйлаучылар да бар. Ә инде өч, яисә дүрт балалыларга сәерсенеп караучылар да җитәрлек. Йорт саен бишәр-алтышар бала үскән заманнар тарихта калды. Дөрес, анадан ала да туа, кола да дигәндәй, күп бала арасында төрлесе булган, ләкин, нигездә, барысы да диярлек, әдәпле, эш сөючән, тәртипле булып үскәннәр. Хәзерге тормышны элеккегесе белән чагыштырып булмаса да, балалар аз туа. Югыйсә һәр сабый үз ризыгы белән дөньяга килә, йортка бәрәкәт китерә диләр. Ә сез бу хакта ничек уйлыйсыз, хөрмәтле газета укучыларыбыз. Шушы темага сездән хатлар көтеп калабыз. Бигрәк тә күп балалы гаиләләрдә үскән кешеләрдән. Языгыз, фикерләрегез белән уртаклашыгыз.