Хәбәрләр
Хәрби комиссариат системасында озак еллар хезмәт куйган Рушания Хәбибуллина лаеклы ялга китте
Кайбыч районында Рушания Хәбибуллинаны белмәгән кеше юктыр ул. Армия сафларына китүче егетләр, аларның әти-әниләре белән тыгыз элемтәдә торучы буларак таныш ул. Россия Кораллы Көчләре сафларында хезмәт итүче егетләр дә аңа даими рәвештә кәрәзле телефон аша шалтыратып тора, кайтуга аның янына киләләр.
Ул солдат егетләрнең икенче әниләренә әйләнде. Беренчел исәпкә алу буенча белгеч шушы араларда лаеклы ялга китте.
Район башлыгы Альберт Рәхмәтуллин аңа күпьеллык намуслы хезмәте өчен Мактау кәгазе тапшырды. Рушания Хәбибуллина хәрби комиссариат системасында 23 ел дәвамында хезмәт иткән.Хәзер беренчел хәрби исәпкә алу буенча белгеч вазифасын Сәвия Зиннурова башкарачак.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев