Иске Чәчкаб авылында яшәүче Зиннәтулла Заһидуллинга Бөек Җиңүнең 75 еллыгы уңаеннан медаль тапшырылды

- Бөек Җиңүнең 75 еллык юбилее уңаеннан сугышта катнашучыларга һәм тыл хезмәтчәннәренә юбилей медальләре тапшырабыз. Зиннәтулла ага сезне чираттагы медалегез белән котлыйбыз. 9 майда район үзәгендә үтәчәк митингка сезне көтеп калабыз. Сезгә ныклы сәламәтлек, имин тормыш, балаларыгыз, онык- оныкчыкларыгызны куандырып, озак еллар яшәргә язсын, - диде Альберт Илгизәрович медаль тапшырып.
Әлеге тантанада Зиннәтулла аганың улы Илдус, оныгы Булат та катнашты.
- Олы яшьтә булса да, әтиебез Аллага шөкер үз аягында йөри, хәтере дә яхшы. Бу елның 15 августында аның 100 еллык юбилеен үткәрергә җыенабыз Алла боерса, - диде улы Илдус.