Хәбәрләр
Кайбыч егетләре армиягә китте
Олы Кайбычтагы балалар сәнгать мәктәбе каршындагы мәйдан яныннан районыбызның сигез егетен Россия Кораллы Көчләре сафларына озаттылар.
Алар арасында Олы Кайбычтан Илшат Булатов, Байморзадан Константин Андреев, Соравылдан Дмитрий Зыков, Кушкүлдән Артем Малов, Багайдан Данил Крайнов, Ярослав Иванов, Бушанчадан Александр Газизов һәм Мөрәледән Алмаз Тимершин бар иде. Озатырга әти-әниләре, туганнары, дуслары, классташлары да килгән.
Район башкарма комитеты җитәкчесе Алексей Макаров егетләргә хәерле юл, намуслы хезмәт итүләрен теләп, әниләренә бүләкләр тапшырды.
Следите за самым важным и интересным в Telegram-каналеТатмедиа
Нет комментариев