Кайбыч мәгариф бүлеге начальнигы бер укучыга смартфон бүләк итте

Олы Кайбыч урта мәктәбенең бишенче клас-сында укучы Кристина Егорованың да хәзер интернетлы смарт-фоны бар. Димәк, ул да уку елының дүртенче чиреген дистанцион рәвештә дәвам итәчәк.
– Кристина кебек, мин дә Олы Кайбыч урта мәктәбендә белем алдым, – диде Илмас Илдарович, аның әти-әнисе белән аралаш-канда. –Кызыгызның укытучы белән элемтәгә чыгарга, өйдән чыкмыйча гына белем алырга мөмкинлеге булмавын ишеткәч, Кристинага бүләк ясарга булдым. Ул алга таба да яхшы укысын, ә бүләк аңа файдага булачак.
Илмас Илдарович телефонны көйләп бирде, интернет өчен акчасын да салды. Кристинаның әнисе Альбина Катрамова, әтисе Геннадий Егоров кызлары турында шулай кайгыртуы өчен аңа рәхмәт белдерделәр.