Кайбыч районы мәктәпләрендә «Интернетта куркынычсызлык» темасына дәресләр узды

Аларның максаты – укучыларга интернет челтәренең файдалы һәм тискәре якларын аңлату, аннан алган мәгълүматтан дөрес файдалану культурасын тәрбияләү.
Олы Кайбыч мәктәбендә узган бу
дәресне Иннополис университеты укытучысы Самат Беккулов үткәрде. Дәрестә Татарстан Республикасы җир һәм мөлкәт мөнәсәбәтләре министры урынбасары Рөстәм Шәмиев, башкарма комитет җитәкчесенең икътисад мәсьәләләре буенча урынбасары Эльвира Заһидуллина чыгыш ясады. Колаңгы мәктәбендә интернетта куркынычсызлык буенча дәресне информатика укытучысы Гөлнара Закирова үткәрде. Анда Эльвира Заһидуллина да катнашты. Районның калган мәктәпләрендә мондый дәресне информатика укытучылары уздырды.