Кайбычлылар Казанда ярминкәдә сәүдә итте

Ярминкә белән танышкан Татарстан авыл хуҗалыгы һәм азык-төлек министрлыгының эшләр белән идарәчесе Илсур Камалтдинов кайбычлыларның тиешле әзерлек белән килүен билгеләп үтте.
Ярминкәгә Кайбыч икмәк пешерү комбинаты, “Август-Кайбыч”, Мәлки “СЛ-Агро”, “Кайбыч сөте”, Мәлки авыл кулланучылар җәмгыятьләре “Йолдыз” кооперативы ит-сөт, икмәк-булка изделиеләре, камыр ризыклары, яшелчә, ярмалар белән сәүдә итте. Ике атна элек узган
ярминкәдәге кебек, бу юлы да 3 миллион сумга якын товар саттылар. Ярминкәнең чираттагысына 16 апрельдә барачаклар. Бу хакта авыл хуҗалыгы һәм азык-төлек идарәсенең механикалаштыру буенча консультанты Рәфыйк Тимергалиев хәбәр итте.