Кайбычта бер көнне ике ярминкә үткәрелә. Ярминкәләр – авыл халкы өчен зур бәйрәм ул

 Олы Кайбычта почта элемтәсе узелы каршындагы мәйданда узучы авыл хуҗалыгы ярминкәсендә район халкына киң ассортиментта ашлык, бәрәңге, яшелчә, ит, сөт, икмәк-күмәч әйберләре, шулай ук печән һәм салам тәкъдим ителәчәк. Ашлык, печән, саламга территориаль үсеш бүлегенә 2-14-29 телефоны аша алдан заказ бирергә мөмкин.
Бу көнне балалар сәнгать мәктәбе янындагы мәйданда мәктәп укучыларының «Көз нигъмәтләре –2019» дип исемләнгән ярминкәсе дә уза. Анда мәктәп бакчаларында үстерелгән яшелчә, җиләк-җимеш, алардан әзерләнгән кайнатма, салатлар һәм башкасын сатып алырга була.Ярминкә 29 сентябрьдә 8:00 сәгатьтә башлана.