Кайбычта Өлкәннәр көне уңаеннан Бөтенроссия бушлай юридик ярдәм күрсәтү көне уздырыла

Партиянең Кайбыч җирле бүлеге башкарма комитеты җитәкчесе Рушания Лотфуллина хәбәр иткәнчә, бу көнне 8.00-15.30 сәгатьтә Олы Кайбыч авылы, Кояшлы бульвар урамы, 7 йорт адресы буенча урнашкан район Советы бинасында юридик ярдәм алырга мөмкин. Кабул итүне Пенсия фонды идарәсенең Кайбычтагы бүлеге начальнигы Гөлчәчәк Зиннурова ( 8.00-9.30 сәгатьтә ), суд приставы Рәмис Садыйков (9.30-11 сәгатьтә), нотариус Ирек Гафуров (11.00-12.30 сәгатьтә), ТР Техник-инвентарьлаштыру бюросының Кайбычтагы бүлеге җитәкчесе Фәнүс Сөнгатуллин (12.30-14.00 сәгатьтә), адвокат Ильяс Гыйсмәтуллин (14.00 -15.30 сәгатьтә) үткәрә.