Кайбычта яфраказык хәзерләү дәвам итә

Авыл хуҗалыгы предприятиеләренә бу эштә һәр елны оешмаларның хезмәт коллективлары ярдәмгә килә. Район башлыгы Альберт Рәхмәтуллин узган планеркада, әлеге эшне озакка сузмыйча, сыйфатлы яфраказык җыю мөрәҗәгате белән чыкты. Планеркада бу хакта чыгыш ясаган башкарма комитет җитәкчесенең икътисад мәсьәләләре буенча урынбасары Эльвира Заһидуллина әйтеп узганча, оешмадагы һәр хезмәткәргә 40 пар яфраказык себеркесе бәйләү бурычы куела.