Хәбәрләр
Кайбычта яшьләр беренче тапкыр сайлауда катнаша
ТР Дәүләт Советына депутатлар сайлауда унисигез яше тулган 137 егет һәм кыз катнаша. Бәрлебашы участогында быел мәктәпне тәмамлаган Салават Рәхмәтуллин белән Адилә Гыйбадуллина тавыш бирде.
- Мин хәзер Казан федераль университетының идарә, экономика һәм финанслар институты студенты,- диде Салават. -Бу минем тормышымдагы беренче сайлаулар. Шуңа да бераз дулкынлану хисләре дә кичерәм.
-Мин дә студент, мәктәп еллары артта калды. Казандагы медицина университетын сайладым, аны тәмамлагач, үзебезнең районга эшкә кайтырга җыенам,- диде Адилә.
Кайбыч яшьләренә киләчәктә гел уңышлар насыйп булсын.
Следите за самым важным и интересным в Telegram-каналеТатмедиа
Нет комментариев