Хәбәрләр
Кайбыч районында шикәр чөгендере казып чыгаруны төгәлләделәр
Авыл хуҗалыгы һәм азык-төлек идарәсеннән алынган мәгълүматлардан күренгәнчә, шикәр чөгендере казып чыгару төгәлләгән.
Район буенча барлыгы 104 мең 475 тонна татлы чимал алынган. Һәр гектар 350 центнер уңыш белән сөендерә. "Дубрава" җәмгыятенең беренче филиалында шикәр чөгендерен Буага озату дәвам итә. Алар 31 мең тонна чималның 14 мең 504 тоннасын тапшырырга өлгергән. Кукурузны урып, силоска салу дәвам итә. 17 октябрьгә барлык мәйданнарның 41,5 процентында эш төгәлләнгән. Бу эш "Дубрава" җәмгыяте филиалларында, "Подберезье" хуҗалыгында бара.
Следите за самым важным и интересным в Telegram-каналеТатмедиа
Нет комментариев