Кайбыч районында яшәүче баланың бензин белән шаяру нәтиҗәсендә тәне пешә

Апас һәм Кайбыч районнары буенча районара янгын күзәтчелеге бүлеге начальнигы Илдар Вәлиев хәбәр иткәнчә, үсмер сарайда бензинлы шешәгә тап була һәм аны яндырып карарга уйлый. Бензинның тиз кабынып китүен онытып җибәргән ахрысы, аны капкачка сала да, шырпы кабыза, соңыннан тагын бераз бензин өсти. Нәтиҗәдә, баланың киеменә ут каба. Аны район үзәк сырхауханәсеннән Казанга җибәрәләр. Олылар игътибарсызлыгы аркасында менә шундый куркыныч фаҗигалар килеп чыга. Ут белән шаярырга ярамый! Балаларга һәрдаим күз-колак булып торсак иде.