Хәбәрләр
Кайбыч районындагы 11 репрессия корбанына район башлыгы исеменнән азык-төлек пакетлары тапшырдылар
30 октябрь - Сәяси репрессия корбаннарын искә алу көне. Шул уңайдан хаксызга рәнҗетелүчеләрне искә алу чаралары оештырылды, күчтәнәчләр белән өйләренә барып хәлләрен белештеләр.
ТР Премьер-министры урынбасары Васил Шәйхразиев Сәяси репрессия корбаннарын искә алу көне уңаеннан татарстанлыларга мөрәҗәгать белән чыкты. «Әлеге дата - илебез тарихындагы фаҗигале вакыйгалар - миллионлаган совет халкы, шул исәптән татарстанлыларның сөргеннәр, лагерьлар аша үтеп, тоталитар система корбаннарына әверелүе турында тагын бер мәртәбә искәртү ул. Сәяси репрессияләрдән зыян күрүчеләр өчен бу - кайгы көне булса, яшь буын өчен - безнең катлаулы тарихны танып белү көне. Бу - хәтер дәресе, без аннан тиешле нәтиҗәләр ясарга тиеш», - диелә мөрәҗәгатьтә.
Тоталитар режим корбаннары арасында безнең якташлар да бар. Аларның күбесе ул куркыныч вакытларны үз җилкәсендә татыган. Бүгенге көндә районда шул авырлыкларны узган 11 репрессия корбаны яши. Чүти, Кече Кайбыч, Бортас, Олы Кайбыч, Мәлки, Мөрәле, Олы Тәрбит, Олы Подберезье авылларында яшәүче бу кешеләргә авыл җирлекләре башлыклары район башлыгы исеменнән азык-төлек пакетлары тапшырды.
Следите за самым важным и интересным в Telegram-каналеТатмедиа
Нет комментариев