Кайбыч районындагы авариядә өч машина зыян күргән

Олы Подберезьедан "Лада-Калина" автомобиле белән идарә итүченең юлда йөрү куркынычсызлыгын тәэмин итәрлек тизлек, дистанция сакламавы нәтиҗәсендә килеп чыга әлеге һәлакәт. Район үзәгенә бару юлында ул юл читендәге "Рено-Логан" автомобиленә килеп бәрелә. Шунда ук каршы як юлга чыга, әмма аннан машина килүен абайламый кала. Шул сәбәпле, Чувашиянең Батыр районындагы Шыгырдан авылы кешесе идарә иткән "ВАЗ-2112" автомобиле белән бәрелешә. Әлеге очрак буенча тикшерү эшләре алып барыла, дип хәбәр итте безгә район полиция бүлегенең ЮХИДИ бүлекчәсе начальнигы, полиция майоры Фирдүс Тимершин.