Кайбыч укучылары автомобиль модельләре бәйгесендә катнашты

Укучылар үз куллары белән ясаган резина ярдәмендә хәрәкәтләнүче автомобиль моделләрен ераклыкка, вакытка, туры йөрүгә сынадылар. Автомобиль модельләрен ераклыкка йөртүдә Федоровское, Олы Кайбыч, Чүти, Кече Мәме командалары өстен чыкса, югары тизлеккә ирешүчеләр дә, туры йөрүдә дә шул ук мәктәпләр командалары җиңүче булды. Ярашларда сигез команда, утызга якын укучы катнашты. Призлы урыннарга чыккан командаларга, шәхси беренчелектә җиңүчеләргә мәктәптән тыш эшләр үзәге педагогы Сирин Гарифуллин Мактау кәгазьләре тапшырды. Бу хакта тулырак газетаның киләсе саннарының берсендә укый аласыз.