Хәбәрләр
Кайбыч ЗАГСында өйләнешүче парлар авыру балаларга хәйрия ярдәме күрсәтә
ЗАГС хезмәткәрләре дә "Язның шәфкатьлелек атналыгы"на актив кушылган. Яңа өйләнешүче парларның хәйриячелеккә үз өлешләрен кертүләре мактауга лаек күренеш.
Турминский авылында туып-үскән Юрий Ермолаев һәм Соравыл авылы кызы Людмила Зайцева мәрхәмәтлелек көнендә язылышты. Бу көнне алар һәм тантана кунаклары ЗАГСка куелган махсус тартмага акча салдылар. "Изге йөрәкләр" дип язылган бу тартмадагы акчалар онкология белән авыручы балаларга җибәрелә. ЗАГС бүлеге начальнигы Рафия Гайнуллина әйтеп узганча, республика буенча барлык бүлекләр дә әлеге акцияне Анжела Вавилова исемендәге фонд белән төзелгән килешү нигезендә өченче елын оештыра. Өйләнешүче парлардан ел дәвамында җыелган хәйрия акчасы ел ахырында фондка тапшырыла.
Следите за самым важным и интересным в Telegram-каналеТатмедиа
Нет комментариев