Кайбычта авыл хуҗалыгы ярминкәсе һәм мәктәпләрнең «Уңыш» бәйрәме үтәчәк

Ярминкәдә авыл хуҗалыгы, крестьян-фермерлык хуҗалыклары, шәхси эшмәкәрләр халыкка бөртекле культуралар, печән, салам, ит һәм башка төр продукция тәкъдим итәчәк. Әлеге төр товарлар сезгә җитми калыр дип борчылсагыз, 2-11-20 телефоны аша Олы Кайбыч авыл җирлегенә алдан ук заказ бирергә мөмкин. «Уңыш» бәйрәмендә мәктәп яны бакчасында үстерелгән яшелчәләр белән сәүдә итәчәкләр. Балалар сәнгать мәктәбе янында мәктәп коллективлары, район электр элемтәсе узелы каршында авыл хуҗалыгы товарлары җитештерүчеләр сәүдә итә. Ярминкә иртәнге сәгать сигездә башлана.