Кайбычта Ленинград камалышында калган ветераннарны хөрмәтләделәр

Кайбыч районында да Ленинград блокадасын үз күзләре белән күргән, бу ачлык-ялангачлык, фаҗига белән тулы елларны үзе аркылы кичергән хөрмәтле кешеләребез - Хәдия Вәлиева һәм Тәскирә Латыйпова яши. Әлеге көн уңаеннан, көчле рухлы ак яулыклы әбиләр белән районның Пенсия фонды бүлеге начальнигы Гөлчәчәк Зиннурова, башкарма комитетның эшләр белән идарәчесе Дания Бәдретдинова һәм социаль яклау бүлеге начальнигы Чулпан Камалиева очрашты. Район башлыгы Альберт Рәхмәтуллин исеменнән күчтәнәч тапшырдылар.