Кече Мәме авыл җирлеге башлыгы Елена Алексеева - «Закон территориясе» республика бәйгесе җиңүчесе

Җиңүчеләрне ТР Премьер-министры Алексей Песошин, ТР буенча эчке эшләр министры Артем Хохорин, ТР юстиция министры Рөстәм Заһидуллин һәм башка рәсми затлар котлады .“Закон территориясе” бәйгесе Татарстан Эчке эшләр министрлыгы инициативасы белән 2007 елдан бирле үткәрелә.Конкурста җиңүчеләрне муниципаль берәмлек, предприятие, оешма, уку йортлары территориясендә җинаятьчелек һәм хокук тәртибе, иминлекне  тәэмин итүдә иҗтимагый оешмалар, ирекле халык дружиналарының катнашы, эчке эшләр органнарына теләктәшлек итү, хокук саклауга багышланган чаралар уздыру, балигъ булмаган балалар арсында хокук бозуларны кисәтү буенча эшчәнлекләренә карап бәялиләр.  Елена Алексееваның бу юнәлештәге эшчәнлеге уңай бәяләнгән.