Кушкүл авылы клубында капиталь ремонт төгәлләнә
Соңгы ун елда районыбызда авыллардагы мәдәният йортларын, клубларны капиталь ремонтлауга зур игътибар бирелде.
Быел кечкенә авыл саналган Кушкүл авылында да клубка капиталь ремонт ясалды.
Ремонт эшләрен «Заман» төзелеш фирмасы алып барды, ул район бюджетыннан финансланды. Бүген район башлыгы Альберт Рәхмәтуллин клубта булды.
Башкарылган эш белән фирма җитәкчесе Равил Җәләлиев таныштырды. Альберт Илгизәрович төзүчеләр эшенә уңай бәя бирде.
Төзүчеләр клубны тышкы яктан сайдинг, эчке якта стеналарын гипсокартон белән тышлаган, җылыту системасын тулысынча алыштырган. Клуб алдында Бөек Ватан сугышы ветераннары истәлегенә һәйкәл төзелгән, тирәсен калай рәшәткә белән тотып алганнар. Клубның эче заманча, матур итеп эшләнгән.
Яңартылган клуб Яңа ел алды көннәрендә, 28 декабрьдә файдалануга тапшырылыр дип көтелә.
Следите за самым важным и интересным в Telegram-каналеТатмедиа
Нет комментариев