Олы Кайбыч авылы мәчетендә вәгазь кичәсе үтте

Кичәне район имам- мөхтәсибе Дамир хәзрәт Гыйниятуллин алып барды. Вәгазь тыңларга тирә- күрше авыллардан да килүчеләр бар иде. Ильмир хәзрәтнең Коръән сурәләрен укуын барыбыз да яратып тыңладык, күңелебезгә ял алдык.
Вәгазьдән соң, хәзрәт кайбычлыларга балаларын Баудагы мәдрәсәдә укыту мөмкинлеге булуы турында сөйләде. Шәһәрдәге уку йортларында көндез белем алучы яшьләр кичен мәдрәсәдә дин сабаклары ала икән. Өч ел укыганнан соң, егетләр диплом алып чыга. Аннан соң укуларын Ислам университетында дәвам итү мөмкинлеге бар.