Олы Тәрбиттә Май чабу бәйрәмендә кышны озаттылар, язны каршы алдылар
Бүген районыбыз авылларында Май чабу бәйрәме гөрләде.
Чүти авыл җирлегенең Олы Тәрбит авылында быелгы бәйрәм аеруча күңелле узды. Анда авыл халкы белән беррәттән тирә-күрше авыллардан да җыелганнар иде. Бу көнне җирлек өчен янып-көеп йөргән, чиркәү салып калдырган Василий Уткинны искә алдылар. Бәйрәмгә килүчеләрне район башлыгы Альберт Рәхмәтуллин кайнар котлады. Гореф-гадәтләрне саклауларына рәхмәт белдерде, ил-көннәргә тынычлык теләде. Районның муниципаль хезмәткәрләре өчен чаңгы ярышы үткәрелде. Җиңүчеләргә ярышның спонсоры, авыл җирлеге башлыгы Петр Тараканов әзерләгән призлар тапшырылды. Бу көнне җыр-биюләр тынмады, табаларда коймак чыжлады, халык рәхәтләнеп күңел ачты.
Следите за самым важным и интересным в Telegram-каналеТатмедиа
Нет комментариев