Район башлыгы Альберт Рәхмәтуллин махсус операциядән кыска вакытлы ялга кайткан хәрби белән очрашты

Ул 18 майда туган авылына кайткан, 4 июньдә кабат хезмәт урынына китәчәк. Тормыш иптәше һәм ике баласы бар, алар Казанда яши. Альберт Рәхмәтуллин хәрбинең хәлләрен сорашты, ничек хезмәт итүе белән кызыксынды, проблемалар турында фикер алыштылар. Матди-техник тәэмин ителеш, көнкүреш шартлары һәм гуманитар ярдәм турында да сөйләшү булды. Якташыбыз туклану ягыннан проблемалар булмавын, хезмәт хакының вакытында түләнеп баруын әйтте. Альберт Илгизәрович аңа хәрби бурычын намус белән үтәве өчен рәхмәтен белдерде, исән-сау булып, җиңү яулап кайтуын теләде. Якыннары өчен кайгырмаска кушып, проблемалары булса, аларны чишәргә булышачакларын әйтте.