Район башлыгы сугыш ветераннарын бәйрәм белән котлады
Ватанны саклаучылар көне алдыннан район башлыгы Альберт Рәхмәтуллин Бөек Ватан сугыш ветераннары – Иске Чәчкабтан Зиннәтулла Заһидуллинны, Ябалак авылыннан Әмәнулла Хәмидуллинны өйләренә барып бәйрәм белән котлады, бүләкләрен тапшырды.
Әлеге чарада Олы Кайбыч авыл җирлеге башкарма комитеты җитәкчесе вазифаларын башкаручы Илнур Әхмәтов, Ябалак җирлеге башлыгы Мөслимә Гыйззәтуллина катнашты.
Альберт Илгизәрович ветераннарның сәламәтлекләре, тормыш-көнкүрешләре турында сорашты, проблемалары белән кызыксынды, аларга озын гомер, ныклы сәламәтлек теләде.
Ветераннар район башлыгына кайгыртучанлыгы өчен олы рәхмәтләрен җиткерделәр, эшендә уңышлар теләделәр.
Следите за самым важным и интересным в Telegram-каналеТатмедиа
Нет комментариев