“Туган як – Агро” хуҗалыгында узган елга йомгак ясалды

Отчет доклады белән Рәмис Хәйретдинов чыгыш ясады. Ул үз чыгышында хуҗалыкның игенчелек, терлекчелек тармагында башкарылган эшләренә тукталды, ирешелгән уңышлары өчен биредә эшләүче хезмәткәрләргә рәхмәтен белдерде. Ул шулай ук, пай җирләрен теркәү мәсьәләсенә дә тукталды. 
Авыл җирлеге башлыгы Рифат Гыймадиев җирлекнең 2018 елда башкарылган эшләре буенча чыгыш ясады, 2019 елга планнары белән таныштырды. Халык сорауларына җаваплар бирелде. 
Район башлыгы урынбасары Рәмис Хәялиев үз чыгышында авылның чисталыгы, капчыклап көнкүреш калдыкларын җыю, аңа түләү, халыктан сөт җыю мәсьәләләренә тукталды. 
Хуҗалык җитәкчесе Рәмис Хәйретдинов хезмәт алдынгыларына Рәхмәт хатлары, акчалата бүләкләр тапшырды. 
Йомгаклау сүзе белән чыгыш ясаган район башлыгы Альберт Рәхмәтуллин биредә тырыш, эшчән халык яшәвен ассызыклап үтте, аларга үзенең рәхмәт сүзләрен җиткерде һәм уңышлар теләде. Ул шулай ук, савымчы Рәзинә Хәлиуллинага район башлыгының Мактау кәгазен һәм 50 юбилее уңаеннан тәбрикләү хаты, хуҗалыкның баш агрономы Финар Насыйровка Рәхмәт хаты тапшырды. 
Бу хакта тулырак газетаның киләсе саннарыннан укый аласыз.