Хөрмәтле дин кардәшләр, райондашлар!

Равил Җәләлиев, «Заман» җәмгыяте директоры: 

Хөрмәтле дин кардәшләр, райондашлар! Сезне чын күңелдән мөселманнарның изге бәйрәме — Корбан гаете белән котлыйм! Бүген ул күпмилләтле халкыбызның рухи мирасының аерылгысыз өлеше булып тора, җәмгыятебездә бердәмлекне һәм татулыкны ныгытырга ярдәм итә. Ул йөрәкләрдә шәфкатьлелек һәм гаделлекнең иң якты һәм игелекле хисләрен уята, якыннарыбызга игътибар һәм кайгырту арттыру, мохтаҗларга ярдәм кулы сузу кирәклеген искә төшерә.
Бу бәйрәм көнендә чын күңелемнән сезгә, туганнарыгызга һәм якыннарыгызга ныклы сәламәтлек, бәхет, барлык игелекле эшләрдә уңышлар, тынычлык һәм татулык телим! Бу изге бәйрәмдә һәр йортта дога ишетелсен, ә сезнең иманыгыз һәрвакыт дөрес карарлар кабул итәргә ярдәм итсен.