Хөрмәтле ветераннар!

Рәшит Ярхәмов, Яшел Үзән шәһәрендә яшәүче якташыбыз:
— Хөрмәтле ветераннар! Кадерле райондашлар! Әлеге бәйрәм аша без сезгә — тыйнак һәм фидакарь хезмәт ияләренә илебез, туган республикабыз, районыбыз һәм киләчәк буын хакына башкарган эшләрегез өчен ихтирам һәм рәхмәтләребезне белдерәбез. Күбегез, лаеклы ялда булсагыз да, эшләвегезне дәвам итәсез, җәмәгать эшләрендә һәм яшьләрне өлкән буыннар үрнәгендә тәрбияләүдә актив катнашасыз. Сезнең батырлык һәм сабырлык, ихтыяр көче һәм гаделлекнең тантана итүенә ышаныч, үз-үзеңне аямыйча хезмәт итү, тормышны ярату һәм яшәүнең кадерен белү кебек сыйфатларыгыз барыбызны да сокландыра. Сезгә — лаеклы ялга чыкканнарга да, хезмәтен дәвам итүчеләргә дә — нык сәламәтлек, иминлек, озын гомер, җан тынычлыгы телим. Якыннарыгызның мәхәббәтен һәм хөрмәтен тоеп, озак яшәгез.