Хөрмәтле хезмәттәшләрем!

Илгиз Сабиров, Кайбыч юл төзү — ремонтлау участогы начальнигы:

— Хөрмәтле хезмәттәшләрем! Сезне һөнәри бәйрәмебез белән чын күңелдән котлыйм! Безнең хезмәт катлаулы һәм җаваплы. Юл төзүчеләр алдына ел саен масштаблы бурычлар куела һәм без аларны уңышлы үтәп киләбез, төбәк юлларын норматив хәлгә китерүне дәвам итәбез. Авыл юллары төзелеше элеккечә безнең эшчәнлектә өстенлекле бурычларның берсе булып кала. Юл төзү — ремонтлау участогы хезмәтчәннәре куәтле техника иярли, югары технологияләр, сыйфатлы чимал белән эш итә, замана белән бергә атлый. Яхшы юллар салу, гамәлдәгеләрен ремонтлап тору —Кайбычның икътисади хәлен яхшырту, транспорт чыгымнарын киметү дигән сүз. Бу бәйрәм көнендә тармак ветераннарына зур рәхмәт әйтәсем килә — нәкъ менә сезнең тәҗрибәгез һәм үз эшегезгә тугрылыгыгыз нәтиҗәсендә без бүген куелган бурычларны уңышлы хәл итә алабыз. Киләчәктә дә нәтиҗәле эш һәм ныклы сәламәтлек телим!