Татарстан Аграр яшьләр берләшмәсенең Кайбычтагы бүлеге җитәкчесе Рушан Сайранов хәбәр иткәнчә, 14-16 апрель көннәрендә Казанда «Яшь эшмәкәр» (үз эшен башлап килүче фермер) мәктәбе оештырыла.
Быел дүртенче тапкыр уздырылучы әлеге чараны республика Аграр яшьләр берләшмәсе Татарстан Авыл хуҗалыгы һәм азык-төлек министрлыгы, ТР Яшьләр эшләре һәм спорт министрлыгы белән берлектә «2014-2020 елларда Татарстан Республикасының авыл яшьләре» программасын тормышка ашыру максатында үткәрә. Әлеге мәктәпнең төп максаты - үз бизнесын булдырырга теләгән яшьләрне укыту, эшне уңышлы итеп башкару өчен аларга тиешле дәрәҗәдәге белем бирү. Программа буенча яшьләрне үсемлекчелек, терлекчелек һәм механикалаштыру буенча укытачаклар. Укуларга үз бизнесын ачырга теләүче 18-35 яшькә кадәрге яшьләр чакырыла. Анда катнашу өчен 10 апрельгә кадәр https://ais.fadm.gov.ru сайтына кереп электрон заявка бирергә кирәк.
Нет комментариев