Законсыз рәвештә наркотик матдәләр җитештергән өчен сигез елга каты режимлы колониягә хөкем иттеләр

2021 елның көзендә Кече Кайбыч авылында наркола­боратория табылуы турын­дагы хәбәр барыбызны да тетрәндерде. Тыныч районнар сафында йөргән Кайбычта мон­дый хәл бер дә булмас иде ке­бек. Өстәвенә, сүз наркомания турында бара.

Авылдагы ташландык тегермән территориясендә үткәрелгән эзләнү эшләре ба­рышында Чувашиянең Фе­дераль куркынычсызлык хезмәте идарәсе оператив хезмәткәрләре тарафыннан ике килограмм ярымнан артык авырлыктагы наркотик матдә алына. Анда синтетик нарко­тиклар җитештерү өчен кулла­нылучы химик җиһазлар һәм матдәләр табылган.

Җинаятьчел төркем җитәкчесенә җиңел һәм тиз генә баерга теләүчеләрне табуы авыр булмаган. Аның танышла­ры Ж. һәм П. җитештерү белән шөгыльләнә. Нарколабораторияачу максатыннан сатып алын­ган буш бинада Мәскәү өлкәсе һәм Чувашия республикасын­да яшәүче ике кеше аеруча зур күләмдә наркотик җитештерү базасын оештыра. Суд матери­алларыннан күренгәнчә, оеш­кан җинаятьчел төркемнең бөтен эшчәнлеге вак-төяккә кадәр язылган. 2021 елның көзендә нарколаборатория ябылган, җинаятьчел бизне­ста катнашучылар наркотик матдәләр җитештергән чагын­да тотылган.

Ж. һәм П.га бик җитди ста­тья – оешкан төркем тарафын­нан аеруча зур күләмдә за­консыз рәвештә наркотиклар җитештерү буенча гомерлеккә ирегеннән мәхрүм ителү яна­ган. Гаепләнүчеләр тикшерү барышында тулы һәм дөрес күрсәтмә бирә, гаепләрен та­ныйлар, тикшерү органна­ры белән актив хезмәттәшлек итәләр, шушы җинаятькә кат­нашы булган бүтән кешеләрне фаш итүдә һәм эзәрлекләүдә булышалар, шуңа бәйле рәвештә, алар белән судка кадәр хезмәттәшлек турында килешү төзелә. Җәза билгеләгәндә, суд гаепләнүчеләрнең наркоман­нарга дәваланырга ярдәм итүче хәйрия фондына һәм җәмәгать оешмасына булышуларын да йомшартучы шарт итеп исәпкә алган.

Узган елның июнендә Кай­быч районы суды аларны РФ Җинаять кодексының 228.1 статьясының 5нче өлешендә каралган җинаять кылуда га­епле дип танып, сигез елга ирекләреннән мәхрүм итү рәвешендә җәза билгеләде. Суд карары законлы көченә керде.