Җаннарны пакьландыручы бәйрәм

Галиәсгар Гыймалтдинов, шәхси эшмәкәр: 

Хөрмәтле дин кардәшләр, райондашлар! Корбан бәйрәме барыбызга да көч һәм илһам өстәсен, игелекле гамәлләргә рухландырсын, һәр йортка, һәр гаиләгә шатлык һәм өмет китерсен! Олы бәйрәм көнендә һәркем Аллаһы Тәгаләдән киләчәк көннәргә өмет һәм ышаныч, гаиләләребезгә иминлек һәм бәрәкәт насыйп итүен, туган йортыбызга һәм илебезгә тынычлык сорап дога кыла. Бу изге бәйрәм көнендә, гадәттәгечә, без Раббыбызга корбан китереп, җаннарыбызны пакьләндерәбез, гөнаһларыбызны ярлыкауны сорап, гаделлек, шәфәгать, игелек, рухи камиллеккә ирешергә омтылабыз.
Сезгә җан тынычлыгы, сәламәтлек, муллык һәм иминлек телим!