Чаллыда яшәүче хатын-кызның трамвайда 87 мең сум акчасын урлаганнар
ТР буенча Эчке эшләр министрлыгында хәбәр итүләренчә, 28 яшьлек хатын-кыз трамвайда ябылмаган сумка белән барган.
Моны билгесез кеше күреп алган һәм сумкадан акча, зәркән әйберләрен урлаган. Хатын-кыз үзе бу вакытта берни дә сизмәгән һәм әйберләре югалуын өенә кайтканда гына күреп алган. Шуннан соң полициягә хәбәр иткән.
Җинаять эше кузгатылган, җинаятьченең шәхесен тиз ачыклаганнар — ул элегрәк дә берничә тапкыр хөкем ителгән 38 яшьлек эшсез ир-ат булып чыккан. Хуҗа хатынга урланган әйберләрнең бер өлешен (10 мең сумга якын акча һәм алтын балдак) кире кайтарганнар.
Чыганак: «Татар-информ»
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев