Чаллыда кибет янында машина бәрдергән 6 яшьлек кызны хастаханәгә озатканнар

Бу хакта шәһәр Дәүләт автоинспекциясе хәбәр итә.

Хокук сакчыларының мәгълүматларыннан күренгәнчә, юл-транспорт һәлакәте 28 июньдә көндез Алиш урамындагы 43нче йорт каршында булган. «Лада Веста» автомобиленең йөртүчесе кызны бәрдереп киткән, нәтиҗәдә ул төрле тән җәрәхәтләре алган. Баланы ашыгыч ярдәм машинасында хастаханәгә озатканнар.

Авариядә һәр катнашучының ни дәрәҗәдә гаепле икәне административ тикшерү вакытында ачыкланачак, дип хәбәр ителә.

Чыганак: «Татар-информ» https://tatar-inform.tatar/news/sestiletnyuyu-devocku-sbituyu-u-magazina-v-celnax-gospitalizirovali-5925696