Гел кояшлы булсын балачак!

Район башлыгы Альберт Рәхмәтуллин Халыкара балаларны яклау көне уңаеннан котлау сүзләре белән мөрәҗәгать итте:

— Кадерле балалар! Хөрмәтле ата-аналар, укытучылар, тәрбиячеләр һәм остазлар! Сезне ихлас күңелдән әлеге матур бәйрәм — Халыкара балаларны яклау көне белән котлыйм! Һәр бала мәхәббәткә, кайгыртуга һәм бәхетле кеше булып үсү мөмкинлегенә лаек. Нәкъ менә сез, кадерле өлкәннәр, илебезнең киләчәген формалаштыручы кечкенә гражданнарыбызның иминлеге өчен җаваплы. Һәр көн яраткан балаларыгызның шатлыклары, көлүләре һәм елмаюлары белән тулып торсын!
Кадерле балалар! Җәй якты кояш һәм җылылык бәйрәме булсын! Каникуллар башлану маҗаралар һәм ачышлар дөньясына мавыктыргыч сәяхәткә старт бирсен. Сезгә шатлык, елмаюлар һәм яңа тәэсирләр белән тулы кайгысыз көннәр телим!
Ләкин исегездә тотыгыз — иң күңелле көннәрдә дә куркынычсызлык кагыйдәләрен үтәү мөһим. Үзегезне һәм тирә-юньдәгеләрне саклагыз, игътибарлы һәм сак булыгыз. Ул чагында сезнең җәй чыннан да бәхетле һәм онытылмаслык булачак!
Әти-әниләргә, педагогларга, тәрбиячеләргә, табиб­ларга һәм үз гомерләрен балалар турында кайгыртуга багышлаган һәркемгә ихлас рәхмәтемне җиткерәсем килә. Сезнең хезмәтегез нәтиҗәсендә районыбызның сәламәт, акыллы һәм бәхетле гражданнары үсә. Авыр тормыш хәлендә һәм әти-әни назыннан мәхрүм калган балалар белән эшләүчеләргә, шулай ук гаиләләрендә уллыкка яки кызлыкка алган һәм сәламәтлекләре чикләнгән балалар тәрбияләүче әти-әниләргә аерым рәхмәт әйтәсем килә.
Бу бәйрәм һәр балага игътибар һәм җылылык символы булсын. Гаиләләрегезгә ныклы сәламәтлек, бәхет, иминлек һәм барлык теләкләрегезнең чынга ашуын телим.