Кадерле һәм изге бәйрәм

Рушания Лотфуллина, район ветераннар Советы рәисе: 

— Без бүгенге тыныч тормышыбыз өчен дәһшәтле сугышларда батырлык һәм ныклык үрнәге күрсәткән, тылда сөекле Ватаны хакына фидакарьләрчә хезмәт куйган, киләчәктәге язмышыбызны саклап калу хакына үзләренең бурычын каһарманнарча үтәгән буынга рәхмәтле. Җиңү көне Кайбычта яшәүчеләрнең барысы өчен дә горурлык, геройлык һәм фидакарьлек символына әйләнде. Бу бәйрәм безнең һәркайсыбыз өчен бөеклек һәм кайгы-сагыш, батырлык һәм халык хәтере белән үрелеп бара. Без бүген дә сезнең изге күңелләрегездәге хуплау, ярдәм, сабырлык, ярату хисләрен тоеп яшибез. Сезгә чын күңелдән нык сәламәтлек, иминлек һәм тыныч күк йөзе телим.