Кадерле якташларым!

Фәннур Фәсхетдинов, «Кайбыч якташлыгы» иҗтимагый оешмасы җитәкчесе, Казан аграр университеты доценты котлавы:

Кадерле якташларым! 35 еллык тарихы булган яңа Кайбычның халкыбыз горурланырлык данлы үткәне бар. Кайбыч — төрле язмышлы һәм холыклы кешеләрне, буыннарны бербөтен итеп берләштерүче уртак тату йорт.
Ул ил башыннан үткән барлык авырлыкларны да кичергән, сугыш елларында тез чүкмәгән. Туган җиребезнең бүгенге көне яңа вакыйгалар, даталар һәм эш-гамәлләр белән тулылана.
Тарих дәвам итә, Кайбычыбызның алда тагын бик күп истәлекле көннәре булсын. Барлык Кайбыч халкына сәламәтлек, бәхет, эшләрендә уңышлар һәм иминлек телим!»