Кайбыч районында яшәүче хөрмәтле милләттәшләрем!

Фәнил БАҺАВЕТДИНОВ, «Цеолиты Поволжья» сәүдә йорты" җәмгыятенең генераль директоры:

— Кайбыч районында яшәүче хөрмәтле милләттәшләрем! Сезне ихластан иң олы һәм мөбарәк бәйрәмнәрнең берсе булган Ураза гаете белән котлыйм. Әлеге бәйрәм йортларыбызга бәрәкәт, гаиләләребезгә бәхет һәм тәүфыйк китерсен, тоткан уразаларыбыз, кылган догаларыбыз кабул булсын! Иман байлыгы, кешелеклелек сыйфатлары — барыбыз өчен дә иң кыйммәтле төшенчәләр. Безнең өчен иң мөһиме — Татарстанда, илебездә яшәүче барлык милләт вәкилләренең дус-тату яшәве, җиребездә тынычлык булуы. Ураза гаете мөбарәк булсын, һәммәбезгә көч-куәт, рух күтәренкелеге өстәсен, лаеклы эшләргә җилкендерсен, якты өметләр һәм күңел тынычлыгы насыйп итсен, илаһи нур күңелләребезне һәм йөзләребезне балкытсын! Һәрбарчагызга да ныклы сәламәтлек, бәхет һәм иминлек телим!