Кече Мәме авылында йөздән артык маскировка сеткасын үрделәр

Җирлекнең ветераннар советы рәисе Нина Дунаева хәбәр иткәнчә, авыл халкы вакытны әрәм итми. «Һәр атна саен, дүшәмбедән җомгага кадәр, мәдәният йортына җыелалар, — ди Нина Дунаева. —Үзебездә яшәүчеләр генә түгел, җәйгә кайткан дачниклар да килә. 

Каникулларын авылда үткәрүче шәһәр балалары һәм Кече Мәме мәктәбе укучылары да өлкәннәргә булыша. 

Вакытларын һәм көчләрен кызганмыйча, сугышчыларыбызга ярдәм итүчеләргә зур рәхмәт әйтәсе килә. Һәр йортта шатлык, тынычлык, иминлек булсын, солдатларыбыз исән-сау кайтсын!»