Кушкүл авылы клубында капиталь ремонт бара

Ремонтны «Заман» төзелеш фирмасы алып бара, ул район бюджетыннан финанслана. Эш барышы белән фирма җитәкчесе Равил Җәләлиев таныштырды.

Төзүчеләр клубны тышкы яктан сайдинг белән тышлаган, эчке якта стеналарын гипсокартон белән тышлыйлар, җылыту системасын алыштырганнар. Клуб алдында Бөек Ватан сугышы ветераннары истәлегенә һәйкәл төзегәннәр. Кыскасы, шактый эш башкарылган. Яңартылган клуб Яңа ел алды көннәрендә файдалануга тапшырылачак.