Өлкәннәр Кайбыч районы кайткан вакытларны яхшы хәтерли

Ул вакытта Олы Подберезье җирлеге өчен җаваплылык минем җилкәдә иде. Бу чорда тормыш җиңел булмады. Ләкин кешеләр бер-берсенә терәк иде: авылдагы юллар, күперләр, клублар, чиркәүләр турында кайгыртып яшәделәр.

Бәрле елгасы аша күпер төзелү безнең өчен иң зур вакыйга булды. Элек язгы ташу вакытында егерме-утыз ир-ат агач күперне агызып китмәсен дип сакларга чыга идек. Яңа, нык күпер барлыкка килгәч, өлкән яшьтәге бер авылдашым: «Башкасы ярар... ә менә күпер — ул бик әйбәт килеп чыкты!» — диде. Бу сүзләрдән барысын да аңларга була.

Акрынлап авыл үзе дә үзгәрде. 2016 елдан соң төзелешләр берсе артыннан икенчесе башланды. Каргалыга, Кече Подберезьега, Пләтәни авылларына асфальт юллар салынды. Элек авыл клубы һәм китапханә өчен күпме утын әзерләгәнебезне хәтерлим, хәзер алар барысы да газ белән җылытыла.

Авылларыбыз яңа сулыш алды. Кече Подберезьедагы чиркәү гөмбәзе төзекләндерелде — район башлыгы Альберт Рәхмәтуллин бу мәсьәләне шәхсән үз контроленә алды. Каргалыда яңа клуб төзелде.

Безнең җирлек биш авылны колачлый. Шунысы куандыра — авыл яши. Аны онытмыйлар, ярдәм итәләр, килеп туган проблемаларны хәл итүчеләр бар.

Иван Елисеев, Олы Подберезье