Олы көн бәйрәме котлы булсын!

Светлана Матвеева, Татарстан Керәшеннәр иҗтимагый оешмасының Кайбычтагы бүлеге җитәкчесе: 

— Хөрмәтле карендәшләрем! Олы көн уңаеннан барыгызны да котлыйм! Язгы яңару вакытына туры килә торган Олы көн бәйрәме күңелләрегезне ихласлык, эчкерсезлек, киң күңеллелек һәм туганлык хисләре белән тутырсын. Табыннарыгызда, борынгыдан сакланып калган йолаларыбызга, гореф-гадәтләребезгә тугрылык билгесе буларак, бәйрәм ризыклары урын алсын. Йорт-җирләрегез дә, күңелләрегез дә һәрвакыт шушы Олы көндәге кебек яктырып, балкып торсын. 
Барыгызны да Олы көн белән тагын бер кат котлап, ныклы сәламәтлек, гаилә иминлеге, бер-берегезнең кадерен белеп яшәвегезне телим!