«Шәһри Казан» газетасы баш мөхәррире Радик Сабиров вафат

«Кичә безнең дустыбыз, хезмәттәшебез Радик Сабиров вафат булган. „Татмедиа“ җитәкчелеге Радик Сабировның туганнары, дуслары, хезмәттәшләренең тирән кайгысын уртаклаша», — диде Шамил Садыйков.

Хушлашу мәрасиме бүген "Татмедиа«да (Декабристлар урамы, 2) сәгать 11.00дә булачак.

Радик Сабиров 1979 елда Татарстанның Аксубай районында туа. Ул Казан дәүләт университетын тәмамлый һәм филология фәннәре кандидаты гыйльми дәрәҗәсен ала. Һөнәри эшчәнлеге елларында Сабиров «Безнең спорт» газетасында, «Мәгариф» журналында һәм «Интертат»та эшли. 2014 елда ул «Идел» журналын җитәкли, ә 2019 елның 20 июненнән «Шәһри Казан» газетасының баш мөхәррире була.

Фото: © «Татар-информ»

Чыганак: «Татар-информ»